Alamat ng Hari

med school

2007-10-07T03:59:00.000-07:00

Oktubre 07, 2007 6:56 PM

Med School pala ha

Baka iwan ko na rin ang blog na ito. Napansin ko kasi mas marami akong magagawa kung nasa wordpress ako. Kanina ay nanalo na naman ang idol ko na si Pacman. Kahit hindi niya napabagsak si Barrera ay masaya na rin ako. Higit ko pang inabangan ang pagkanta ni Kyla ng Lupang Hinirang. Si Christian Bautista kasi, kinabahan talaga ako baka magkamali rin si Kyla, mabuti na lamang at tama na ang titik niya, tama pa ang musika na inilapat niya. Nakakaasar kasi yung mga ibang kumakanta na pilit iniiba ang tono ng ating pambansang awit.

Noong Biyernes ay nanood kami ng kapatid ko ng Are You Smarter Than a 5th Grader. Hindi kami makapaniwala na hindi alam ng kalahok ang ibig sabihin ng perfect square. Lalo kaming nagimbal ng malamang doktor pala ang Amerikanang kalahok. Nagkatinginan na lamang kami ng kapatid ko at nagkasabay na sinabing: med schools pala ha! Eat your heart out Teri Hatcher!

videoke

2007-10-02T07:12:00.000-07:00

My Summer of Love: The most dangerous thing to ask for is more.

Oktubre 2, 2007 10:10 PM

Unang sampu

Sa ilalim ay ang unang sampung pelikulang gumimbal sa aking buhay. Maaaring ang ilan sa mga nakalista ay hindi ang pinakamagandang pelikula na napanood ko. Nakabase ang ilan dito kung nag-enjoy ba ako habang pinapanood ang mga ito at di na inalintana ang mga mali at pagkukulang sa pagkakagawa ng pelikula.

10) Harry Potter and the Goblet of Fire - aminado ako na hindi maganda ang pagkakagawa sa pelikulang ito (meron ba naman HP movie na maganda pagkakagawa?), ngunit kung ibabase sa iskrip, panalo ang pelikulang ito para sa akin. Sino ang makakalimot sa eksena sa Wizengamut?(Wizard trial court).

Karkaroff: There is a name
Crouch: What is it?
Karkaroff: I know particularly that he is responsible for the capture and torture of aurors Alice and Frank Longbottom!
Crouch: The name! Give us the wretched name!
Karkaroff: Barty Crouch! (everybody gasps, Rita Skeeter's being the most notable)
Karkaroff: (bulong) junior

Panalo talaga itong eksena na ito, at maganda talaga ang iskrip ng pelikula. Maski yung ancient spell upang magkaroon ulit ng katawang tao si Voldemort, hindi iyon yung eksaktong spell ni JK Rowling mula sa libro, binago nila ng kaunti ngunit mas maganda ang lumabas.

9) Pepe en Pilar- Old pinoy comedy, sino ba naman ang hindi makakahindi dito. Pinagbibidahan ni Gabby Concepcion at Maricel Soriano

8) So Close- Sino ba naman ang ayaw ng Hongkong action. Dinerehe ni Corey Yuen, natatawa lang ako sa fight scenes pero atleast, naging masaya ako habang pinapanood ang pelikula.

7) Just Like Heaven- pinatunayan lang ng pelikulang ito na kayang dalhin ng karisma ng mga bida ang isang storyline na ginaya ng walang kahihiyan. Tsaka bagay kasi ang tauhan ni Mark Ruffalo at Reese Witherspoon.

6) My Summer of Love- mabigat sa damdamin, kung ayaw mo ng pelikula na kailangan mo pang mag-isip, wag mo ng panoorin ito. Pero ang ganda ng pagkakagawa niya, parang siniryoso talaga ng direktor. Pinagbibidahan ng paborito kong aktres na si Emily Blunt. Mamaya makikita niyo pa siya.

5) Star Wars: A New Hope- nakilala natin si Luke at Princess Leia, pati na si Han Solo. Isa sa pinakamatagumpay na serye ng mga pelikla ang naipanganak nito.

4) Star Wars: Empire Strikes Back: hinarap ni Luke si Darth Vader at naputulan ng kamay. Na-carbonite freeze si Han Solo, ngunit mabuti na lamang at nag-aminan na sila ni Leia ng kanilang damdamin sa isa't isa.

3) Star Wars: Return of the Jedi: nagbalik si Anakin Skywalker, namatay si Palpatine at higit sa lahat, narinig ni Han Solo ang pinakamagandang balita: kapatid ni Leia si Luke! Maaaring hindi si George Lucas ang pinakamagaling na writer pero wala na akong pakialam. Nang ipinasok nya ang anggulo ng pagmamahalan ni Leia at Han, wala ng usap, sinamba ko na ang original trilogy.

2) The Devil Wears Prada- Kabisado ko na ang iskrip ng pelikulang ito! Araw araw ko ba namang panoorin noong bakasyon. Maaaring dinala ni Meryl Streep at Emily Blunt ang buong cast ngunit yun ang punto ko, ang galing nilang dalawa. Isang rebelasyon si Emily at alam naman nating lahat na si Meryl ang pinakamagaling na aktres na nabubuhay. Maganda rin ang pagka-karakter kay Miranda Priestley. Sa nobelang pinagbasehan nito, si Miranda ay palasigaw na amo, ngunit dito.....wow....ang ganda pa ng iskrip. Tsaka noong eksena na nasa loob ng kotse si Miranda at Andy, sinasabi ni Andy kay Miranda na hindi niya magagawa ang ginawa ni Miranda kay Nigel. Ng sabihin ni Miranda: You already did, to Emily...hindi ko alam, parang binaligtad ang mundo ko. NApakamakapangyarihan ng eksena na iyon.

Miranda: There is some reason my coffee isn't here, has she died or something?

1) Tinimbang Ka Ngunit Kulang- Yun na. Period.

KAT

2007-10-02T04:40:00.000-07:00

Oktubre 2, 2007 7:38 PM

Tinamaan ng Katamaran

Lubhang mahirap ang wala kang ginagawa. Masakit sa katawan ang maging batugan, taong bahay, palamunin. Ngunit higit na mahirap ang wala kang ginagawa kung maraming bagay ang naiatas sa iyo. Noong isang linggo, kinagat ako ng putakte na kung tawagin ay katamaran. Ilang beses kong sinasabi sa sarili ko na tatapusin ko na ang sanaysay na isang kahingian sa English, ngunit gabi gabi rin ay wala akong ginawa kundi magbasa ng fanfiction. Alam ko, napakatamad ko, kaya kahit kaya kong gawin, nauuwi sa wala.

Sa hindi nakaaalam ay kaarawan ko noong huling Huwebes. Masasabi ko na ito ay isa sa pinakamasaya kong kaarawan. Nag-uugat ang aking nadama dahil sa masaya ako sa aking elective na napili, ang Filipino Journalism 2, at dahil pakiramdam ko ay tanggap na tanggap ako sa Graviton. Kaya naman, marapat lamang siguro na i-blow out ko ang mga bagong pamilya kong ito. Naging makabuluhan din ang pagdalo ni Sir Alfer sa aming munting party sa FJ2 bilang panauhing pandangal. Siya ang nagfacilitate ng tape cutting ceremony (yung tape sa box ng pizza). Patawarin ninyo ako kung wala akong maipakitang mga larawan. Sa susunod na mga post ko na lang.

Nais ko rin batiin ng belated Happy Birthday si Kim Abog at si Mikee. Kaarawan nilang dalawa kahapon (legal na si Mikee). At ng maligayang kaarawan kay Jay Catiis ngayon, sana ay naging kasing ligaya ko rin sila.

Ngayon ay nag-aaral ako para sa perio at pinapangako ko na hindi na ako tatamarin. KAhit na mahirap, mayroon naman akong inspirasyon, magvi-videoke kami sa Biyernes.

(P.S. Ayoko sanang pumili sa pagitan ng presscon at ng perio, ngunit kaya ko pinili ang perio ay dahil naiisip ko na baabgsak rin lang ako sa Econ, ayokong isipin nila nabumagsak ako dahil sa Lagablab, na mahal na mahal ko. Patawad.)

sampu

2007-09-25T05:05:00.000-07:00

Setyembre 25, 2007 8:04 PM

Unang sampu

Eto ang unang sampu na paborito kong mga bagay

Paboritong Awit

10) Collide - Howie Day
9) Walk Through the Fire - Once More With Feeling
8) Zombie - Cranberries
7) Same Ground- Kitchie NAdal
6) Spoliarium-Imago
5) Taralets - Imago
4) You Oughta Know - Alanis Morisette
3) Head Over Feet - Alanis Morissette
2) Ode to My Family - Cranberries
1) Promises - Cranberries

Medyo OP yung taralets....pero cute na cute ako sa kantang to. At yung Collide ni Howie Day ay bago ko lang nadiskubre...salamat sa isang napaka astig na video sa Youtube.

Saka na lamang yung unang sampu ng ibang bagay. Marami pa kasi akong gagawin.

kuwento

2007-09-18T05:44:00.000-07:00

Setyembre 18, 2007 8:43 PM

Marunong ka bang magsulat?

Napakahalagang katangian ng isang manunulat para sa akin ay ang kakayahang makinig. Lalo na sa pagsulat ng editoryal. Dapat ay parati kang nakikinig sa sinasabi ng ibang tao upang masuri mo kung may laman ang kanilang mga salita. Dito ka ngayon kukuha ng halimbawa, sa iyong mga naririnig.

Kung mahalaga ang pakikinig ay lalong mahalaga ang pagbabasa. Sa aking palagay, hindi talaga kayang matutuhan ang pagsusulat sa loob ng ilang araw lamang. Kung paano ka sumulat ay produkto lamang ng lahat ng nabasa, narinig at nakita mo simula noong bata ka pa. Dito ka huhugot ng kung ano man ang sinusulat mo. Ngunit ang sinulid na may kakayahang maghabi sa iyong mga karanasan sa paraang mapaglinlang, dito na papasok ang talento. At di lahat ay meron nito.

Gaya ng nakasaad sa taas, ang pagsusulat ay ang sinulid na may kakayahang maghabi sa mga pang-araw araw na karanasan sa paraang mapaglinlang.

At ang galing ng Grav at Electron!

sayaw

2007-09-17T04:17:00.000-07:00

Setyembre 17, 2007 7:16 PM

Sayaw Interpretasyon

Kanina ay natapos na rin sa wakas ang sayaw interpretasyon at hindi nanalo ang Graviton. Ay mali, hindi pala kami natawag sa stage. Yun lang, pero duh. Hindi na highlight yung judging part kasi isang malaking WEH! naman yun eh. Tsaka, hindi ko naman hiniling na maka-place sila. Hiniling ko lang na gawin nila lahat ng binilin ko sa kanila. Hiniling ko lang na makasindak at makamangha sila ng ibang tao. Hiniling ko lang na sila ang maging pinaka-magaling kanina, bagay na natugunan naman nila.

At masaya rin dahil natupad ang pangarap kong intermission number, kahit naunahan kami ng Gluon at mukhang nanggaya lang kami (pero matagal naming prinaktis yun!).

doppler effect

2007-09-16T04:06:00.000-07:00

Setyembre 16, 2007 7:15 PM

Laso at ACET

Hindi ko alam kung paano ko ilalarawan ang nadarama ko sa ngayon. Bukas ay gaganapin na ang patimpalak ng sayaw interpretasyon at kinakabahan ako, dahil kapag nagkalat kami bukas, kasalanan ko ang lahat. Kanina pagkatapos kong mag eksamen sa Ateneo de Manila para sa Ateneo College Entrance Test (ACET) ay dumaan ako sa palengke ng Malolos upang mamakyaw ng laso na aming gagamitin para sa mga costumes bukas. Naka tatlong daan ako kasama na ang ibang abubot na binili ko. At ginawa ko na rin ang top hat ni Uncle Sam, bukas na lang namin pipinturahan nila Kring.

Wala akong masyadong nabanggit tungkol sa ACET kaya eto. Ngayong araw lang ako dapat luluwas, mga alas kwatro ng umaga ngunit nawalan ng kuryente kagabi kaya napilitan kaming mag-anak na lumuwas sa condominium na may ilaw. Hindi rin ako nakapag aral, dahil maghapon kaapon ay nakatulog lang ako. Marahil dahil kahapon lang ako nakapag-pahinga buong linggo, dahil sa binubuo namin ang sayaw. At eto pa, inuna ko ang pag-papa-facial at spa kahapon kaysa sa pag-aaral para sa ACET. Pero ayos na rin dahil relaxed ako kanina habang nag-e-eksamen. Yun nga lang ay inatake ako ng buo kaya nakahihiya sa mga katabi ko. Kasama ko sa kuwarto si Ate Reggie at ang aking soulmate na si Pierre (maging kanina ay di ko pa rin siya nakakausap). Namataan ko rin sina Gabby, Crisby at tissue paper.

Ayun, at umuwi na nga kami upang makabili ng laso. Bukod sa laso, bumili na rin ako ng sangkaterbang ponytail, hair pin, pardible at mga abubot ng dahon. Cute yung mga dahon pag nakita nyo sa ulo ng mga babae bukas.

irony

2007-09-14T06:11:00.001-07:00

Ang kabalintunaan ng buhay at kamatayan

haiku

2007-09-14T05:40:00.000-07:00

Setyembre 14, 2007 9:04PM

Haiku

Ito ay ilan sa mga haiku na aking ginawa

Upos sa lupa
Bote na walang laman
Iyo ang mundo

Isa pa

Lamig ng rehas
Camiang bumubukadkad
Tila nanunuya

At isa pa. Ito ang paborito ko sa lahat.

Pinto'y pininid
Ng kartero'y dumating
Return to sender

practice

2007-09-14T05:24:00.000-07:00

Setyembre 14, 2007 8:23 PM

Sayaw Interpretasyon

Nabuo na namin ang aming sayaw interpretasyon bagaman kailangan pang gawing pulido ito. Atleast hindi na kami magkakalat sa Lunes. Dahil natapos na namin, binigyan ko ang Grav ng tatlong premyo, ang papaya song, beautiful girl at siyempre, big girls don't cry. Gabi gabi pagkatapos ng practice, kapag natuwa ako sa kanilang performance ay papayagan ko silang magsaya ng big girls don't cry.

Natutuwa ako at nasunod ang mga balak ko ngunit nalulungkot dahil marami akong mamimiss na bagay sa practice namin sa Graviton. Isa na nga rito ang nakasaad sa taas na mga "price dance", siyempre, kasama dito ang "partnerships" ngunit higit sa lahat, ang pinaka mamimiss ko ay ang sabay sabay naming paglalakad papunta sa front lob gabi gabi.

Di bale, may Paskorus pa!

9/11

2007-09-11T05:00:00.000-07:00

Setyembre 11, 2007 8:05 PM

Ngayon ay ika-anim ng anibersaryo ng 9/11 attacks sa Twin Towers sa New York. Kay bilis nga namang dumaan ng panahon, parang mahirap paniwalaan ang uniform time na nagsilbing framework ng Newtonian Physics. Ngunit hanggang dito nalamang ang sasabihin ko. Dahil hindi ko gaanong naiintindihan ang magkaibang panig, wala akong karapatang magsalita. Lalong hindi ako magsasalita dahil lang sa ayoko kay Bush.

Ngayon din ay kaarawan ni Marcos, coincidence ba? Yan ang hindi ko masasabi. Isa lang ang masasabi ko sa araw na ito. Napagod ako sa practice para sa sayaw interpretasyon. Kahit mahirap pa ring pasunurin ang bad people as ever, pwede na rin. Isa pa, ang galing ni David, feel na feel!

sa simbahan

2007-09-10T06:44:00.000-07:00

Setyembre 10, 2007 9:46PM

Tanaga

Ito ay isang tanaga na ginawa ko noong ako ay 3rd year HS. Ang tanaga ay binubuo ng apat na linya na may pitong pantig ang bawat isa.

Sa Simbahan

Sa loob ng simbahan
Doon ang kaligtasan
Kapag lumabas naman
May pilay sa hagdanan

Pahayag

2007-09-10T05:24:00.000-07:00

Setyembre 10, 2007 8:41 PM

Bloggers Kapihan 1

Noong nakaraang Sabado, nagpunta ako sa Bloggers Kapihan 1 na ginanap sa ASTB AVR sa Pisay bilang isa sa mga kinatawan ng aming pahayagan (Lagablab). Kahit na hindi ako kasapi ng patnugutan ng balita, naging mapalad ako dahil napili akong isama ni Ada (Patnugot ng Balita). Bukod kay Ada, kasama ko rin si Mac Mac, Jay at Llenel.

Hindi ko inakala na magiging kapaki-pakinabang ang pagdalo ko sa Bloggers Kapihan 1. Aaminin ko, ang tanging inabangan ko lamang rito ay ang pagsasalita ni Manuel L. Quezon III. Bukod sa kawindang-windang niyang rebelasyon, marami pa akong ibang natutunan mula sa mga nagsalita. Nalaman ko na isang mahalagang paraan pala upang ipahayag ang sarili sa mundo ang pagblo-blog. Para akong binatukan sa ulo ng mga speaker. Wala na nga pala akong dahilan upang ipagpaliban ang pag-abot sa aking mga kalahi dahil sa pinaka-pambihirang imbensyon ng milenyo: ang internet. At dahil din sa pagkakabatok sa akin, naipanganak ko ang blog na ito. Sana ay maging malayo ito sa basurang kinahantungan ng dati kong blog(http://www.jewelofearth.blogspot.com/ , wag nyo na puntahan).

Sana ay suportahan niyo ang mga susunod na proyekto ng Bloggers Kapihan at sama sama nating baguhin ang mundo.

P.S. Hehe. Nakita ko si Maki.